Vol.2 守住最後一關！拆解 China Marketing 的「大眾點評」營銷策略

上次講完流量之王「抖音」，已經顛覆咗我 10 年+ 的 Marketing 認知...

今次分享下 China Marketing 守尾門的「大眾點評」!

「大眾點評」：從抖音流量到最終轉化的守門員

首先，係成個 Funnel 來睇，抖音係 TOFU 搶流量 (有部份會直接轉化)，點評就係 MOF + BOF。

客人係購買前，會先去大眾點評睇睇先決定，所以我會話「大眾點評」係守尾門。你抖音 d 流量幾勁都好，過唔到「大眾點評」呢關都無用，會直接影響核銷率！

下，咁大影響力?

從用家角度看：不只是香港的 Opxx Rxxx

係客人層面，大眾點評可以理解為香港的 Opxx Rxxx，不過覆盖更多行業，有更多功能。主要功能分 2 大個：

1. 睇 Review (評價)

2. 睇團購優惠

核心功能一：睇 Review (評價)

睇 Review 呢 Part 唔多解釋啦，相信大家香港人都理解。簡單來講，客人做購買決定時，一定會去點評睇下會唔會中伏。

滿分 5 分：

• 低過 4.2 基本上唔洗玩

• 4.6 以上 算合格，可以考慮

核心功能二：團購優惠

大眾點評另一個強項係「團購優惠」，姐係客人睇完評價後，可以直接落單買野!

• 對客人來講： 方便快捷有保障，因為都係可以隨時買隨時退，零風險。所以去大陸消費，就算入到舖頭，會發現好多人都會去大眾點評睇吓有冇團購優惠，然後喺大眾點評購買，直接店內用。

如何打造 4.6 分以上的高分店舖？

咁點樣可以得到 4.6 分以上？ 兩個方法:

方法一：真實客人正評

首先前提係，你產品服務必須要做得好，然後喺客人離開之前，搵親切嘅前線同事，引導客人心甘情願留正評。

要做得好，必須要給前線同事獎勵，例如每得到一個正評獎勵 $5，每日夠 10 個，額外獎多 $50 等等，同時可以俾客人一啲小禮物，令成件事更順暢。

方法二：KOL 探店

呢樣可以同小紅書綁埋一齊做，可以搵一啲探店類型 KOL，過嚟試完玩完，出個 post，包埋五星好評一個，但當然呢個方法要有 Budget。

但要注意正評量要控制，我試過喺一星期內由 4.2 上到去 4.5 ，跟住收到點評系統警告，偵測到有異常行為，即刻要停一停先🤣

從 Marketer 角度看：為何要擁抱「團購優惠」？

對客人嚟講，（團購）簡直係完美體驗，毫無破綻。但對商家或者 Marketer 嚟講，每次成交都要俾大約 4-5% 平台費。

但點解客人來到來了，都仲鼓勵客人去點評買嘢，比人賺平台費呢？因為，係 Marketer 層面，有幾個好處：

1. 正評加乘

點評消費後嘅評價會更真實更有說服力。

2. 衝上榜單

點評有自己嘅 Top List ，例如餐廳有什麼必吃榜，主題樂園就有必玩榜等等，主要係根據銷量排名。如果上到榜單，等於賺到大量免費自然流量，同時客人會覺得質素有保證，超級有用！

3. 平台活動補貼

當商家係點評嘅銷售量達到某一限額，點評就會比平台補貼你，即係平台出錢幫你賣貨。

• 舉例： 假設產品售價 $100，平台費 5%，補貼 $5。商家扣除平台費後都係實收 $95，但客人只需要俾 $100 - $5 = $95，一個較優惠嘅價錢買到你嘅產品，對客人嚟講係非常吸引，而商家唔需要做任何折扣就可以促進銷售。Win Win!

結語

今日分享住咁多先，大眾點評係 China Marketing 亦都係不可或缺，係成個 Funnel 守尾門嘅重要一環！

下次再分享其他部份，有咩想知或者了解更多，歡迎留言或者 DM 我，下次繼續分享學習旅程，謝謝支持！ 💪🙏